Searvva minguin ávvudit Suoma luonddu

Suoma luonddu beaivvi ávvudit iluin ja movttain borgemánu maŋimuš lávvardaga! Dalle lea bajidit leavgga Suoma lundui ja doapmalit olggos. Bovdes maid ustiba searvat mielde dáhpáhussii dahje lágit dáhpáhusa ieš - stiila lea friddja. Sáhtát maid juohkit iežat feasttas luondduvásáhusaid: #luonddubeaivi #luonnonpäivä

Sáhtát oassálastit dáhpáhusaide birra Suoma (dušše suomagillii), ovdamearkka dihtii guobbariid čoaggimiin ja eará luonddu valji návddašemiin, dahje vuolgit mielde mánáid luondduvánddardemiide. Oza dáhpáhusaid kárttás!

Lágit dáhpáhusa ieš

Luonddu beaivvi dáhpáhusa lea álki lágidit ja almmuhit ieš. Čohkkes ustibiid, fulkkiid dahje oahppásiid plánet ovttas makkár dáhpáhussii háliidivččiidet ieža searvat. Go plána lea gárvvis, čálit dan sisa min luonddu beaivvi prográmmii. Muitte fal muitalit earáge ustibiiddásat iežat dáhpáhusa birra ja geavat sosiála media bovdet earáid mielde!

Gávnna dáhpáhusaid kárttás

Jus háliidat searvat luonddu beaivvi ávvudemiide, sáhtát ohcat kárttás lagamus miellagiddevaš dáhpáhusaid. Olbmot lasihit iežaset pop-up-dáhpáhusaid vel vahkku ovdal luonddu beaivvi, nu ahte dáhpáhusaid mearri lassána dan rádjái.

Vuolgge olggos Suoma lundui ja juoge iežat vásáhusaid

Geaiguin háliidivččet juohkit Suoma luonddu beaivvi? Ovdamearkka dihtii bearrašiin, ristvánhemiiguin dahje ristmánáiguin, boarrásiidruovttu vuorasolbmuiguin, lagaš vuostáiváldinguovddáža sisafárrejeddjiiguin, dahje vaikko muhtin mánáidgárddi mánáiguin? Juoge iežat tuvramuitalusa sosiála medias fáddágilkoriin #luonddubeaivi #luonnonpäivä

Váldde oktavuođa

Dán siiddu hálddaša Meahciráđđehus, Luonddubálvalusat.
Don sáhtát váldit minguin oktavuođa máhcahatskovi bokte.

Meahciráđđehus, Luonddubálvalusat
PL 94 (Ratatie 11)
01301 VANTAA, SUOPMA
Tel. 0206 39 4000

 

Käytämme evästeitä (cookies) käyttäjäkokemuksen parantamiseksi ja käyttötilastojen keräämiseksi. Jatkamalla sivuston käyttöä hyväksyt evästeiden käytön.
Lue lisää

x